amalinks wokungena

Breaking News

Inhloko ZeNdaba Ncwabakazi 27, 2021


Ingcwethi ezicubungula ezomnotho zikhuthaza uhulumende weZimbabwe ukuba ayisebenzise ngendlela imali efika phose i-Billion lamadollar eMelika, ilizwe eliyithole ngaphansi kohlelo lwe Special Drawing Rights ( SDRs ) evele kusikhwama senhlanganiso ephathisa amazwe womhlaba ngosizo kwezentuthuko, eye International Monetary Fund - IMF.

Abaninibhizimusi bakoBulawayo bakhala ngokuthi ngabe uhulumende uyaqelisa isikhathi sokusebenza kwabo hatshi ukuthi baqale ngo8 bevala ngo3:30 emini ngelanga, phansi kweziqondiso zeCovid 19 Lockdown.

Ngokutshona kwelanga layizolo kulabantu abazinkulungwane ezedlula amatshumi amathathu – 31,273 abakade sebe hlatshwe ijekiseni lakuqala lokuzivikela kuCovid 19, eleVaccine, kusitsho ukuba sebesedlula izigidi ezimbili – 2,453,529 asebehlatshwe leli jekiseni okwakuqala. Kuthi abazinkulungwane phose ezingamatshumi amathathu - 26,070, abahlatshwe ijekiseni lesibili bengeze leli inani lisiya kwabaphezu kwesigidi lengxenye-1,561,368.

Kuhlelo Woza Friday namuhla sileqembu leKhandamhlophe Neighbour Boys liphethe i-single yalo ethi ‘Ngikhathele’.

Ku Livetalk namhlanje sikhangela umumo wokumelana leCovid 19, eZimbabwe kanye lokuhubeka kohlelo lokuhlaba abantu ijekiseni yokuzivikela kuleli gcikwane eyeVaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG