Okwamanje sebezinkulungwane ezedlula eziyisithupha-6,292, asebetholakale beleCovid 19, eZimbabwe, kwasinda abazinkulungwane ezedlula ezinhlanu-5,010.
Obelwela amalungelo oluntu uDr Patson Dzamara, obhubhe ngoLwesithathu, ubekiwe namhlanje ekhaya lapho adabuka khona koMutoko. Umkhokheli webandla leMDC Alliance, uMnu. Nelson Chamisa utshele abasekeli bebandla lakhe abakade besemngcwabeni ukuba baqhubekele phambili ngomxabalazo ngokuthula.
Abenhlanganiso elwela amalungelo ezempilakahle eye Community Working Group on Health-CWGH, bebekoBulawayo namhlanje behamba ngohlelo lwabo lokufundisa inkokheli zezigaba ngomkhuhlane weCovid-19.
Kuhlelo Woza Friday namuhla sihamba leqembu le-rhumba elizibiza ngokuthi yi‘Private Boys’ liphethe idlalade lalo elitsha.
Umhlangano webandla elibusayo kweleMelika elamaRepublicans oqale ngoMvulo ugqitshwe izolo ntambama, uMongameli Donald Trump esamukela usekelo aluphiwe libandla leli lokuthi aqhubeke elimmela kukhetho lukaLwesi lapho angqikilana loMnu Joe Biden webandla lamaDemocrats.
Ku Livetalk namhlanje siqhubekela phambili sikhangela umonakalo osudalwe yikuqhamuka kweCovid 19 kanye lokuphume emhlanganweni webandla elibusayo eMelika elamaRepublicans.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…
Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.