Endabeni zethu lamhlanje ……………..
************** Umpathintamb wezemali uMnu. Patrick Chinamasa uhlangana lomunye wakhe wakwele Germany ngesikhathi ele Zimbabwe liqhubekela phambili ngemizamo yalo yokulungisisa ubudlelwano lamanye amazwe womhlaba obonakala ngesikhathi sombuso sowayengumongemeli Robert Mugabe.
*********** Abalimi bemhlubulweni we Mandebeleni bakhala ngokungasatholi isivuno esihle liminyaka ngenxa yokuguquka komumo womkhathi osokusenza izulu lingasani ngesikhathi salo.
*********** Ikhansili yedolobho lakho Bulawayo isiqalile amalungiselelo wokufungiswa kwamakhansila asanda kukhethwa ukuze aqale ukusebenza emkhosini ozakwenzela eLarge City Hall, NgoLwesihlanu.
*********** Abebhanga elikhulu lesizwe kwele Botswana, bakhuthaza abamabhizimusi bakulelozwe, ukuthi bahlale belungele ukuthuthukisa amabhizimusi abo eZimbabwe ngoba kulakho ukuvuleka amathuba kulandela ukhetho olusanda kwenziwa.
********** KuLiveTalk namhlanje kuhlelo lwabaskahula olwe “The Connection” sixoxa labasakhulayo abenelise ukunqoba kukhetho olusanda kwenziwa lokudinga amakhansila lamalunga edale lephalamende elizweni lonke. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
