Endabeni zethu lamhlanje ……………..
************* Umkhokheli womanyano wamabandla aphikisayo owe MDC Alliance uMnu. Nelson Chamisa uthi kabemukeli impumela yokhetho lokudinga umongameli eyethulwe ngabeZEC engamanga ngoba kuyikuntshotshela abantu ivoti yabo eveza ukuba yena unqobile hatshi uMongameli Emmerson Mnangagwa.
**************Sizakuzwa imibono yabantu makhaza, abezinkonzo, abezombusazwe labenhlanganiso ezizimeleyo ngokunqoba kukaMongameli Mnangagwa kukhetho. Sizokhuluma njalo labanqobileyo bathola izihlalo edale lephalamende lakumakhansili labanqotshiweyo abakhala ngokuthi baqiliwe.
************* Inhlanganiso yabezinkonzo zesiKrestu eye Zimbabwe Council of Churches lethula umbiko ngelikubona kusenzekala kukhetho lwalonyaka oluqhutshwe ngoMvulo.
************* Amapholisa ake azama ukuvimba umhlangano womkhokheli weMDC Alliance uNelson Chamisa lentathelizindaba eHarare kodwa kwacina kungenela isikhulumei seZanu PF uMnu. Simon Khaya othe akulamuntu omelet avimbe lumhlangano.
********** KuLiveTalk namhlanje sikhangela impumela yokhetho lokudinga umongameli edale inkulumo lapho uMongameli Emmerson Mnangagwa abikwe ngabe ZEC ukuthi unqobile. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
