amalinks wokungena

Breaking News

Inhloko Zendaba, Ncwabakazi 30, 2019


Inhloko ZeNdaba

Endabeni zethu lamhlanje ……………..

********** Ele Zimbabwe limanyane lamanye amazwe womhlaba ukunanza usuku oluqakathekisa imikhankaso yokuqedwa kokuthunjwa kwabantu mahlayana lwe International Day of the Victims of Enforced Disappearances ngesikhathi liqhubeka liqansa inani labathunjwayo eZimbabwe.

**********Amalunga edale lephalamende ahlangane labantu bakoBulawayo lamuhla, besizwa imibono yabo mayelana lomthetho wemitshado osekulolongweni okwamanje.

****** Abantu abadabuka eZimbabwe labanye abokuza abahlala kwele South Africa bathi sebedlela evalweni kulandela imibiko ethi kungaqhamuka udlakela kulelolizwe ngoMvulo.

****** Umphathintambo wogatsha lwezemidlalo uKirsty Coventry uthi abadlali beqembu elimela ele Zimbabwe emdlalweni webhola elokuqaga elabomama lizathola imali eliyithenjiswe nguhulumende ngemva kokuphatheka kumidlalo eyokudinga intshantshu zasemhlabeni jikelele.

********* Kuhlelo Woza Friday liviki uEzra Tshisa Sibanda oweStudio 7 uxoxa lentombazana esakhulayo uValarie Sibanda owazakala ngegama lokuthi ngu Valee Music.

********** KuLiveTalk namhlanje sikhangela inxabanxoza esiqhamuke kwele South yokuhlukunyezwa kwabatshayeli bamagonyeti bokuza. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG