amalinks wokungena

Breaking News

Inhloko ZeNdaba Ncwabakazi 30, 2021


Uhulumende uthi abantwana abavunyelwa ukuya enkonzweni ngenxa yomthetho we Statutory Instrument owalela abantu abangahlatshwanga ijekiseni yeCOVID 19 Vccine ngokupheleleyo, ukuya ecaweni. Uzulu uthi lokhu kunzima kakhulu ngoba bengeke baya enkozweni betshiya abantwana emakhaya.

Ababalisi labafundi abangakahlatshwa ijekiseni yeCovid-19 balisiwe ukungena ekolitshini leChinhoyi namuhla. Kusenjalo, indizamtshina yeAir Zimbabwe ihambise amajekiseni okuvikela lumkhuhlane azinkulungwane ezingamatshumi amabili, 20,000, kweleNamibia. Amajekiseni la aphiwe iNamibia yiZimbabwe.

Ngokutshona kwelanga layizolo kulabantu abazinkulungwane phose ezingamatshumi amabili – 17,128 abenelise ukuhlatshwa ijekiseni lakuqala eleCovid 19 Vaccine, kusitsho ukuba sebesedlula izigidi ezimbili lengxenye– 2,530,481 asebehlatshwe leli jekiseni okwakuqala. Kuthi abazinkulungwane eziphezu kwezilitshumi - 10,371, abahlatshwe ijekiseni lesibili bengeze leli inani lisiya kwabaphezu kwesigidi lengxenye-1,606,751.

Abenhlanganiso yezisebenzi elizweni eye Zimbabwe Congress of Trade Unions, bathi izisebenzi ezinengi zibhekane lodubo lokufinyelela inhlelo zokubhadalela indleko yokwelatshwa ezama Medical Aid.

Kwezemidlalo…….. Abalandeli beqembu le Highlanders bakhuthazwa ukuba basekele imizamo esithethwe yileliqembu eyokudinga imali lisebenzelana lamankampani ambalwa.

Ku Livetalk namhlanje sikhangela umumo wokumelana leCovid 19, eZimbabwe kanye lokuqhubeka kohlelo lokuhlaba abantu ijekiseni lokuzivikela kuleli gcikwane eleVaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG