amalinks wokungena

Breaking News

Inhloko ZeNdaba Ncwabakazi 31, 2020


Sebezinkulungwane ezedlula eziyisithupha-6,412, abantu asebetholakale beleCovid 19, eZimbabwe. Leli gcikwane selithethe impefumulo yabantu phose abangamakhulu amabili, kwasinda abazinkulungwane ezedlula ezinhlanu-5,061.

Amagqwetha entathelizindaba uHopewell Chin’ono olokhe evalelwe eChikurubi, aveze ukuba akezwa kuhle ngakhoke udinga usizo lwesibhedlela ngesiphangiphangi njalo sebemazisile udokotela wakhe.

Ibandla leMDC Alliance koBulawayo selimise umgcinisihlalo walo wogatsha lwabesifazana uNkosazana Tendai Masotsha ukuba lilunga ukuze liphenye umlandu anakanelwa ukuthi wawudala kudaba lokuthunjwa lokuhlukuluzwa kosakhulayo uTawanda Muchehiwa. Kodwa uMasocha uthi umsulwa.

Olwela amalungelo oluntu obalekele kweleSouth Africa uMnu Mzaca Ngulube lomzukulu wakhe oke wathunjwa watshaywa eZimbabwe uNoxolo Maphosa bathi sebehlalela evalweni kweleSouth Africa ngoba sebetshona belandelwa ngabantu abanakanelwa ukuthi ngamalunga eZanu PF abangaba bejonge ukubalimaza. Kodwa isiphathamandla seZanu PF uMnu Kennedy Mandaza uthi lanxa bekusola okwenzakala kwababili laba, ayisibo ababalandelayo.

Ku Livetalk namhlanje siqhubekela phambili sikhangela umonakalo osudalwe yikuqhamuka kweCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG