Izakhamizi zakoBulawayo zihlaba omkhulu umkhosi ngenxa yodubo lokuvalelwa amanzi mahlayana kanye lenhlawulo zamanzi ezibuya ziqanse okwamagama.
Osanda kuphiwa isikhundla sokuba nguMqondisi wenhlanganiso eye Zimbabwe Agricultural Society-ZAS, , uDr Andrew Matibiri uthi umbukiso wezokulima owe Harare Agricultural Show walonyaka uzakwenziwa kusukela mhla ka 27 Mpandula ugqitshwa mhla ka 1 Mfumfu. Abafisa ukuzobukisa lonyaka babikwa bezamele babe ngabahlatshwe ijekiseni yokuzivikela kuCOVID-19 ngokupheleleyo kumbe baveze incwadi zokuhlolwa nsuku zonke ukuthi kabala gcikwane leli.
Ngokutshona kwelanga layizolo kulabantu abazinkulungwane ezedlula ezingamatshumi amabili lambili– 22,092 abenelise ukuhlatshwa ijekiseni lakuqala eleCovid 19 Vaccine, okuhle kwakhweza inani lasebehlatshiwe leli jekiseni okwakuqala laya kwabedlula izigidi ezimbili lengxenye– 2,552,573. Kuthi abazinkulungwane eziphezu kwezilitshumi - 12,712, abahlatshwe ijekiseni lesibili bengeze leli inani lisiya kwabaphezu kwesigidi lengxenye-1,619,463.
Abaphila ngokuthengisa ezitaladini zakoBulawayo bahlangene namuhla labekhansili yalelidolibho kanye leziphathamandla zikahukumende becubungula okuphathelane lomsebenzi wabo.
Kuhlandla lezenotho namuhla sikhangela ukuqansa kwembhadalo zesikolo kanye lendingeko zabafundi. Abazali abanengi bathi abenelisi ukubhadalela abantwana, osokudale ukuthi ezinye izikolo zixotshe abafundi.
Izizalwane zakweleSouth Africa eziphikisana lokuhlatshwa ijekiseni yokuvikela iCoronavirus zitshengisele ehofinisi kamongameli Cyril Ramaphosa izolo, zisithi alumiswe uhlelo lokuhlatshwa kwabantu limijovo, kuphinde kwesulwe lemigoqo efakelwe ukuvikela ukumemetheka komkhuhlane lo.
Ku Livetalk namhlanje kuhlelo “The Connection” sixoxa labatsha sikhangela umumo wokumelana leCovid 19, eZimbabwe kanye lokuqhubeka kohlelo lokuhlaba abantu ijekiseni lokuzivikela kuleli gcikwane eleVaccine.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.