amalinks wokungena

Breaking News

Inhloko ZeNdaba Ncwabakazi 5, 2020


Abantu abedlula ikhulu-146, bafunyenwe beleCovid 19, ngokutshona kwelanga izolo. Lokhu kuhle kwakhuphula inani lasebefunyenwe belegcikwane leli eZimbabwe, laya kunkulungwane ezedlula ezine-4,221, labulala abangamatshumi ayisitshiyagalombili lanye-81.

Uhulumende uveza ukuba idolobho leHarare yilo eselikhokhela kunani lalabo asebetholakele belegciwane le Covid-19 ikakhulu kwabangela mbali yokuya kwamanye amazwe lilandelwa ngelakoBulawayo.

Abongi labodokotela bathi ukubekwa kukamsekeli kaMongameli, uMnu. Constantino Chiwenga, ukuba ngumphathintambo wezempilakahle akubethusi ngakhoke bayaqhubeka bekhalala umsebenzi.

Ku Livetalk namhlanje kuhlelo ‘Diaspora Forum’ sikhangela ukuqonga kwenani labatholakala beleCovid 19 eZimbabwe ngesiqhubu esethusayo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG