amalinks wokungena

Breaking News

Inhloko ZeNdaba Ncwabakazi 6, 2021


Ekutshoneni kosuku lwayizolo inani lababulewe yiCovid 19 eZimbabwe beselikumatshumi amane lantathu(43), abaphansi kwenkulungwane (963) batholakala belegcikwane leli.

Okwamanje inani lasebehlatshwe ijekiseni yakuqala yokuzivikela kuleli gcikwane sebeyisigidi eziphose zibe mbili(1,780,541), kuthi asebehlabe ngokugcweleyo sebephose bafike isigidi esisodwa(920,554).

Uzulu osekhutshwe kuhlelo lweWorld Food Program lokupha abantu imali yokuthenga ukudla ukhla ezimathonsi, ngemva kokuba linhlanganiso yayithembise ukuba akulamuntu ozakhitshwa ehlelweni lolu.

Umongameli Cyril Ramaphosa wakweleSouth Africa usenze inguquko enkulu kudale lakhe labaphathintambo, eleCabinet, osekubangele ukuxotshwa kwabaphathintambo bengatsha eziqakathekileyo ezigoqela olwezomnotho, olwezempilakahle, olwezomvikela lolwenhloli zikahulumende.

Kuhlelo Woza Friday kuliviki silomculi Mzobanzi Mlauzi odume kakhulu ngegama lakuthi Mzoe 7, yena ucula umdumo oweAfro Beats le House Music ekoBulawayo.

Ku Livetalk namhlanje sikhangela ukuqansa kwenani laabanjwa kanye lokubulawa yiCovid 19 eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG