Endabeni zethu lamhlanje ……………..
****** Owake waba nguMongameli wele South Africa uMnu. Jacob Zuma obekhangelelwe ukuzokhalela imuli kamuyi uMnu. Dumiso Dabengwa akasafikanga kodwa usekwethekeleleni koBulawayo.
********** Amalunga amathathu awebandla eleMRP avalelwe ngoLwesihlanu olwedluleyo namhlanje afunyenwe elecala lokubangela udlakela. Abathathu laba bacine begwetshwa ukuhlawula amakhulu amabili amadollar emuntwini ngamunye eye faindi.
********** Ukuqoqa ukutshengisela okufuna ukwenziwa libandla leMDC ngeviki ezayo sokutshiye abantu behlukane imbono ngenjongo njalo lokuthi kuzafeza na okufunwa libandla leli.
************ Kuhlelo Woza Friday liviki uEzra Tshisa Sibanda weStudio 7 uxoxa lomculi uMxolisi Masina owazakala ngegama lokuthi Ngalabe Steaks. UMxolisi oyisizalwane seZimbabwe esesihlala kweleSouth Africa, ucula umdumo oweAfrican Hip Hop.
********** KuLiveTalk namhlanje sikhangela isimo esikhona elizweni kwezomnotho lakwezombusazwe. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.