amalinks wokungena

Breaking News

Inhloko ZeNdaba Ncwabakazi 9, 2021


Ingcwethi kwezempilakahle ziveza ukukhathazeka ngendlela uzulu aseziphatha ngayo engasazilandeli iziqondiso ezabekwa ngabe World Health Organisation – WHO lohulumende, zokuzivikela kuCOVID-19.

Ekutshoneni kosuku lwayizolo inani lababulewe yiCovid 19 eZimbabwe beselikumatshumi ayisikhombisa lane(74), abangamakhulu amane lamatshumi amathathu lasikhombisa(437) batholakala belegcikwane leli.

Okwamanje inani lasebehlatshwe ijekiseni yakuqala yokuzivikela kuleli gcikwane sebeyisigidi eziphose zibe mbili(1,864,204), kuthi asebehlabe ngokugcweleyo sebesedlula kancane isigidi esisodwa(1,022,618).

Umongameli Emmerson Mnangagwa ukhokhele umbuthano obungela bantu abanengi kulandelwa iziqondiso zokuzivikela kuCovid 19 ezabekwa ngabe WHO, wokunanza ilanga lamaqhawe ele Heroes Day.

Ibandla leMDC Alliance selithumele amazwi enduduzo emulini kaNkosikazi Jane Ngwenya, yena owalwa impi yenkululeko ekuviyo leZipra. UMaNgwenya ubhubhe ngeviki edluleyo njalo uphiwe inhlonipho yeqhawe lesizwe, i-national hero.

Kusukela mhlaka 1 Ncwabakazi kuze kuyefika umhlaka 7, amazwe womhlaba ananze ukuqhakatheka kokumunyiswa kwabantwana uchago lukamama. Abezempilakahle bathethe ithuba leli ukuthi beluleke omama abamunyisayo ngokuqakatheka kochago lukamama ekondleni abantwana kanye lekuphathiseni owesifazane.

Ku Livetalk namhlanje sikhangela ukuqansa kwenani lababanjwa kanye lokubulawa yiCovid 19 eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG