amalinks wokungena

Breaking News

Inhloko zeNdaba, Mpandula 25, 2018


Inhloko ZeNdaba
Inhloko ZeNdaba

************ UMongameli Donald Trump wakwele Melika ukhangelelwe namuhla ukuthi uzakwethula umbiko oqakathekileyo welizwe leli emhlanganweni weUnited Nations General Assembly.

*********** UMnu. Brian Nichols, omele ilizwe leMelika eZimbabwe, uthi kumele uhulumende weZimbabwe alandele isisekelo sombuso njalo engephuli ilungelo loluntu kungakesulwa izijeziso zenotho ezafakelwa amalunga eZanu PF.

*********** Kubulawa abantu ababili kubangwa umhlabathi obikwa uthengiswe ngumphathisikolo.

*********** Inhlanganiso yeVeso 24/7 enceda izifundi ezingela mali eBeitbridge ikhuthaza izizalwane zeZimbabwe ezisemazweni ukuthi zenze okufanayo endaweni ezidabuka khona.

************** Izizalwane zeZimbabwe zithi zithwele nzima kwele Botswana elizananza usuku lukazibuse ngempelaviki.

********** KuLiveTalk namuhla kuhlelo lwabatsha olwe The Connection uNtungamili Nkomo uzabe ekhuluma labasakhulayo ngokuxokozela okukhona eZimbabwe kulandela umbiko wokuthi kulombalisi ovezele uzulu ukuthi uthandana labesilisa yena eyindoda. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

XS
SM
MD
LG