*** Zivuliwe izikolo namuhla eZimbabwe ababalisi bekhala ngeholo eliphansi njalo belungisela ukukhalala umsebenzi kungenela insuku ezilitshumi lane abazethulele uhulumende besithi bazakhalala umsebenzi nxa bengaholiswanga ngamadola eMelika.
*** Abanye abazali sebethenga amabhuku abantwana besikolo emazweni afana leBotswana leSouth Africa ngenxa yokusilela kwabo eZimbabwe.
*** Odokotela abakhalale umsebenzi bathi bethuselwa ngamapholisa ensitha leziphathamandla zezibhedlela.
*** KuLiveTalk namuhla kuhlelo lwabatsha olweThe Connection sixoxa ngemfundo yemakolitshini aphezulu. Abafunda emakolitshini bayenelisa na ukuzimela bengaphutsha izifundo zabo? Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.
