*** Kubotshwa usibalukhulu wenhlanganiso yeInternational Trade Union Confederation-Africa, uMnu. Kwasi Adu Amankwa, obesethekelela eZimbabwe lapho obekumele ahlangane lamalunga eZimbabwe Congress of Trade Unions liziphathamandla zikahulumende.
*** Amapholisa asebophe uNkosazana Samantha Kureya, owaziwa ngokuthi nguGonyeti, osebenzela iBustop TV ethanda ukwethula imibiko ephoxa uhulumende.
*** Abantu bakwele South Africa bazonde bagan’unwabu kulandela okwenziwe nguMfundisi Alph Lukau ophume kumabonakude esithi uvuse kwabafileyo umuntu odabuka eZimbabwe.
*** KuLiveTalk namuhla kuhlelo lwabatsha olwe The Connection sixoxa ngokhahlanyezwa kwabantu nguhulumende kaMongameli Emmerson Mnangagwa. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.