*** Amapholisa avimba umhlangano okumele wenziwe kusasa libandla leMDC elikhokhelwa nguMnu. Nelson Chamisa.
***Abantu abanengi bathi lokhu kuxokozela kwele Zimbabwe okuleminyaka emibili umuyi uRobert Mugabe wasuswa embusweni libutho lobambisana loMnu. Emmerson Mnangagwa.
*** Umnotho welizwe leZimbabwe ugugudeka okumangalisayo osokutshiye abanye abantu besithi owayengumongameli uMnu. Robert Mugabe wayengcono kakhulu kulalokhu okwenziwe nguhulumende kaMongameli Emmerson Mnangagwa.
*** UNkosikazi Naledi Pandor, umphathintambo wakwele South Africa okhangelane lokudlelana lamanye amazwe, uthi kuyethusa okwenzakala eZimbabwe okulomnotho ongenelisi ukuphilisa abantu abasebenzayo labangelamisebenzi.
*** Inhlanganiso yeMthwakazi Queens eyasungulwa kwele Bhilithane iphandela uzulu okutshiyeneyo okuzanceda abantu eZimbabwe.
*** KuLiveTalk namuhla kuhlelo lwabatsha olwe The Connection sihlolisisa ukuphatheka kwabatsha kuhulumende, kumakhansili lezinye inhlangothi zikazulu kwele Zimbabwe. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 13860 laku 15460 kilohertz kuShortwave.