amalinks wokungena

Breaking News

Inhloko Zendaba Ncwabakazi 30


Inhloko ZeNdaba

************** UMnu. Constantino Chiwenga loMnu. Kembo Mohadi benza isifungo sabasekeli bakamongameli welizwe leZimbabwe eState House eHarare.

*********** Uzulu uveza imibono eyehlukeleyo ngokugcotshwa kukaChiwenga loMohadi ukuba ngabasekeli bakamongameli.

*********** Kuchothozwa ikhomishini ebunjwe nguMongameli Emmerson Mnangagwa ezahlolisisa ukubulawa kwabantu ngamasotsha ngesikhathi abanye betshengisela eHarare besola ukuphuza kokwethulwa kwempumela yokhetho lukamongameli.

*********** Izizalwane zeZimbabwe ezihlala kwele South Africa zithi uMongameli Mnangagwa uyikhethe kanjani ikhomishini ezahlolisisa udlakela oluqhamuke ngemva kokhetho kukanti nguye olawula ibutho lesizwe elabulala abantu ngales’isikhathi.

*********** Selikhuphukile inani labantu abafela engozini zemigwaqweni kulandela ingozi eyenzakale lamuhla eKadoma lapho okubhubhe khona abantu abalitshumi lantathu.

********** KuLiveTalk namhlanje kuhlelo olukhangela okupathelane labesifazana ‘Asiyihluzeni Bomama’ sixoxa labasifazana ngabafisa ukukubona embusweni kaMnangagwa. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook kuVOA Ndebele.

Inhloko Zendaba Ncwabakazi 30
please wait

No media source currently available

0:00 0:01:55 0:00

Facebook Forum

XS
SM
MD
LG