**** Abalandeli bebandla leZanu PF abafika inkulungwane ezinhlanu – 5,000 – basemhlanganweni omkhulu oweAnnual National People’s Conference owenzelwa eMzingwane High School.
*** Amadokotela akhalala umsebenzi atshengisela emigwaqweni ekhonona ngokwenzakala ezibhedlela langohulumende okhanya engafuni ukukhuluma labo.
*** Izakhamizi zeChisumbanje ziphanyeka emthethwandaba udaba lokuthathelwa amasimu yinkampani yeGreen Fuel Private Limited.
*** Abantu batshengisela emigwaqweni bekhonona ngokungatholi imali yabo eWestern Union ethunyezwa yizihlobo ezihlala emazweni atshiyeneyo.
*** Uzulu ukhuthazwa ukuthi akhulumisane labanikazi bezimota ezibathwalayo nxa kungaba lengozi emigwaqweni ukwenzela ukuthi bahlawulwe ngemfanelo.
*** Sizalethulela okwenziwa ngabalandeli bebandla leZanu PF abathi bafuna uMongameli Emmerson Mnangagwa ancintise kukhetho oluzakwenziwa ngomnyaka ka2023.
*** KuLiveTalk namuhla kuhlelo lwabesifazana olweWomen’s RoundTable sixoxa ngesimo somnotho eZimbabwe. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.