Endabeni zethu lamhlanje ……………..
****** UMnu. Job Sikhala, umsekeli womgcinisihlalo webandla leMovement for Democratic Change elikhokhelwa nguMnu. Nelson Chamisa, umiswa emthethwandaba esetheswa icala lokuzama ukugenqula uhulumende kaMongameli Emmerson Mnangagwa.
****** Luqhubekela phambili udubo lokusilela kwamanzi koBulawayo.
****** Ibandla leMDC lethulela uzulu ugwalo olumumethe amaqhinga okuvuselela umnotho welizwe leZimbabwe.
****** Sizahlolisisa ukuxokozela eZimbabwe kulandela ukubotshwa kwamanye amalunga ebandla leMDC elikhokhelwa nguMnu. Nelson Chamisa.
****** KuLiveTalk namuhla kuhlelo lwabesifazana ‘Asiyihluzeni Bomama’ sixoxa ngesimo esibi somnotho eZimbabwe. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.