*** UDokotela Peter Magombeyi, owathunjwa ngabacatshangelwa ukuthi badlelana lohulumende, lokhu esesibhedlela eZimbabwe loba umthethwandaba wethule isinqumo sokuthi kumele amapholisa amvumele ukuthi ayekwelatshwa kwele South Africa.
*** Abantu badlana ingqondo ngokwethulwe nguMongameli Emmerson Mnangagwa emhlangagweni weUnited Nations General Assembly emadabukakusa. UMnangagwa uthi izijeziso zenotho zibhidliza ilizwe leZimbabwe ngakho-ke kumele zesulwe.
*** Umsakazo weStudio 7 wenza umhlangano ongenwa yizakhamizi zakoBulawayo.
*** KuLiveTalk kuhlelo lwabesifazana ‘Asiyihluzeni Bomama’ sixoxa ngokwethulwe nguMongameli Emmerson Mnangagwa emhlanganweni weUnited Nations General Assembly kanye lesicoco obekuthiwa sinikwe ikhosikazi lakhe, uNkosikazi Auxillia Mnangagwa, likolitshi leHavard University. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.