amalinks wokungena

Breaking News

Inhloko Zendaba, Zibandlela 30, 2020


Inhloko zeNdaba
Inhloko zeNdaba

*** Inkokheli yamabandla akumanyano wePolitical Leaders Actors Dialogue bahlolisisa ezinye iziqa zesisekelo sombuso welizwe ezilakho ukuguqulwa libandla leZanu PF lonyaka.

*** Abantu abanengi babhekane lendlala embi emadolobheni okulabanye abadla kanye ngelanga kumbe abacela ukudla nsukuzonke kubomakhelwane lezihlobo.

*** Abamele uMongameli Donald Trump ekuthonisweni icala aletheswa ngabalandeli bebandla lama Democrats bathi ulelungelo lokwenza akufunayo nxa kufunwa nguzulu.

*** Abakudale leUnited States Senate kukhomithi ebona ngokudlelana lamanye amazwe sebecele uhulumende kaMongameli Donald Trump ukuthi engezelele amabizo asuse lamanye kuluhlu lwabalandeli bebandla leZanu PF abafakelwa izijeziso zenotho besetheswa umlandu wokwephula ilungelo loluntu, ubukhohlakali lokungaqhubi kahle ukhetho.

*** Sizahlolisisa uhambo luka Mnu. Nelson Chamisa odinga uncedo kwele South Africa olokuthi ilizwe lelo lingenele kwezombusazwe eZimbabwe.

*** KuLiveTalk namuhla kuhlelo lwabesifazana ‘Asiyihluzeni Bomama’ sixoxa ngokoma kanye lendlala eZimbabwe. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngohalf past 7 ntambama lango half past 6 ekuseni, kumagagasi athi 909 am, 4930, 13860 laku 15460 kilohertz kuShortwave.

XS
SM
MD
LG