*** UMongameli Emmerson Mnangagwa uthi kumele amabandla aphikisayo wonke angene kumanyano wePolitical Actors Dialogue ukwenzela ukulungisa okuhluphayo eZimbabwe.
*** Ikhomishini elwisana lobukhohlakali eyeZimbabwe Anti-Corruption Commission ikhuthazwa ukuthi ihlolisise imisebenzi yabantu abaphatheka kwezombangazwe okucatshangelwa ukuthi abanye babo bephula imithetho okumangalisayo besenzela ukuzinothisa.
*** Uhulumende uthi abantu lamankampani abafuna ukuba lemisakazo kazulu sebengalobela kulabo abapha amacence okusakaza.
*** Sizalethulela udaba lowesifazana osebenza eWuhan kwele China obecatshangelwa ukuthi ulomkhuhlane weCoronavirus.
*** Kwezombusazwe: Sihlolisisa ukutshengisela emigwaqweni okwenziwe ngabalandeli bebandla leMDC izolo njalo lalokhu abazakwenza lonyaka.
*** KuLiveTalk namuhla kuhlelo lwabesifazana ‘Asiyihluzeni Bomama’ sixoxa ngomnotho welizwe leZimbabwe obhidlikayo. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngohalf past 7 ntambama lango half past 6 ekuseni, kumagagasi athi 909 am, 4930, 13860 laku 15460 kilohertz kuShortwave.