amalinks wokungena

Breaking News

Inhloko zeNdaba, Nhlolanja 5, 2018


Inhloko zeNdaba

********** Sokulabantu ababumba ibandla elizaphikisa elibusayo elibizwa ngokuthi yi-New Patriotic Front okubikwa ukuthi lilamalunga ecele leZanu PF elaziwa ngokuthi yiGeneration 40 elalisekela uNkosikazi Grace Mugabe ukuthi athathe isikhundla sikaMnu. Robert Mugabe.

********** Umongameli wakwele South Africa, uMnu. Jacob Zuma, kungenzeka ukuthi abhekane lalokhu okwehlela uMnu. Robert Mugabe ngoba abalandeli bebandla lakhe bathi sokumele asuke esikhundleni.

********** Inhlanganiso ezizimele zodwa zithi kumele kuguqulwe indlela okuqhutshwa ngayo ukhetho kwele Zimbabwe ukwenzela ukuthi impumela yokhetho ithakazelelwe ngamantu abanengi.

********** Ikhansili yedolobho lakoBulawayo isibike ukuba akukabi labantu asebehlaselwe ngukhuhlane wesihudo njengakwamanye amadolobho kwele Zimbabwe.

********** Kuhlelo Zimbabwe Today – Asixoxeni lamuhla sihlolisisa ibandla elibunjwayo okuthiwa yiNew Patriotic Front elithi uMnu. Robert Mugabe, owayengumongameli welizwe leZimbabwe, wahlukuluzwa okumangalisayo libutho esuswa esikhundleni. Ibandla leli lithi inhlanganiso yeAfrican Union kumele ihlolisise udaba lolu.

********** Kuhlelo lweLiveTalk lamuhla sihlolisisa umanyano weMDC Alliance olamalunga axabana okumangalisayo kanye lokwenzakala kwamanye amabandla aphikisa elibusayo ele Zanu PF. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yebulenjini yokuzilibazisa ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Indaba ZesiNdebele, 5 Nhlolanja 2018
please wait

No media source currently available

0:00 0:02:10 0:00

Facebook Forum

XS
SM
MD
LG