amalinks wokungena

Breaking News

Inhloko ZeNdaba Nhlangula 02, 2021


Sebephose bafike inkulungwane ezingamakhulu ayisikhombisa- 678,003, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu edlula amathathu-353,278, asebehlatshwe ijekiseni yesibili.

Abalimi kanye labosomabhizimusi bathi umthetho omutsha olawula ukufakwa kwentengo yempahla ehlukeneyo ngedola leMelika ubulala ibhizimusi ngoba usenza intengo iqonge njalo kungaqhubeka kuzabangela ukuthi imphahla enengi iqale ukusilela ezitolo. Uhulumende uthi uzahlangana labosomabhizimusi kuyonale iviki bekhulumisana ngalokho.

Udaba lweziphepheli zeZimbabwe eziseBotswana eziphikisa ukubuyiselwa emuva lusungule eGaborone ngoMvulo. Iziphepheli eziyisithupha ezazikubutho, zithi ziyesaba ukuthi zingahlukuluzwa uma zingaphindela eZimbabwe.

Abamabandla ezombusazwe akumanyano wePolitical Actors Dialogue athi kuqakathekile ukuba abadabuka kwamanye amazwe babizwe kungelakubandlulula ngesikhathi kusenziwa ukhetho ngomnyaka ka2023 ukwenzela ukuthi kube lokhetho olubalulekileyo.

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe kanye lokuqhubeka kohlelo lokuhlatshwa kwabantu ijekiseni eyeCovid 19 Vaccine, eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG