amalinks wokungena

Breaking News

Inhloko ZeNdaba Nhlangula 1, 2021


Lokhe luqhubekela phambili udubo lokusilela kwamajekiseni awe Covid-19 Vaccine, ikakhulu ebantwini asebedinga ukuhlatshwa kwejekiseni yesibili.

Okwamanje abantu sebephose bafike inkulungwane ezingamakhulu ayisikhombisa- 675,675, asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu edlula amathathu-344,400, asebehlatshwe ijekiseni yesibili.

Umthetho omutsha, iStatutory Instrument, ojezisa abathengisa impahla ngemali yakwamanye, usubangele ukukhwela kwentengo ezitolo.

Izakhamizi zakoNtuthuziyathunqa namuhla zinanze ukuphiwa kwalelo dolobho isicoco sokuba lidolobho, ele Bulawayo Day. Kubikwa kuzaba lemicimbi ehlukeneyo egoqela ukuhlabelela, lembongi emkhosini osungulwe namuhla kuze kuyefika ngeSonto mhlaka 5 Nhlangula.

Icala likamqondisi we Ibhetshu Likazulu umnumzana Mbuso Fuzwayo obekumele lingene namhlanje edale lidluliselwe phambili.

Abanye abeZimbabwe kwele Botswana baphindela ekhaya ukuyathola ijekiseni yeCovid-19 bekhala ngokuthi kweleBotswana uhlelo lolu luhamba ngonyawo lonwabu.

Ku Livetalk namhlanje kuhlelo “The Connection” sikhangela ukuqhubeka kohlelo lokuhlatshwa kwabantu ijekiseni yokuzivikela kuCovid 19, eye Vaccine eZimbabwe, lapho uMike Hove axoxa labasakhulayo esizwa imbono yabo ngale ijekiseni.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.w

XS
SM
MD
LG