amalinks wokungena

Breaking News

Inhloko Zendaba Nhlangula 10, 2020


Inhloko ZeNdaba

Abantu abangamatshumi amabili lasikhombisa abahlolwe izolo batholakala beleCovid 19, eZimbabwe sebengeze inani lasebetholakale belegcikwane leli laya kwabangamakhulu edlula amathathu-314.

Inhlanganiso yomanyano wamazwe womhlaba eyeUnited Nations isola ukuhlukunyezwa kwabalwela ilungelo loluntu ikakhulu ukuthunjwa lokuhlukunyezwa kwabesifazana bebandla eliphikisayo eleMDC Alliance abagoqela oNkosazana Joanna Mamombe, Cecilia Chimbiri loNetsai Marova. AbeUN bathi bafuna ukuza eZimbabwe ukuzohlolisisa udaba lokwephulwa kwelungelo loluntu.

Abazali beZimbabwe abasebenza kweleSouth Africa sebeveze ukukhathazeka okukhulu ngesaziso sikahulumende weZimbabwe esokuthi izikolo zizavulwa ekupheleni kukaNtulikazi ngesikhathi igciwane lecoronavirus lisidla amahabulo.

EleBotswana lithi lithwele nzima ngabangena elizweni okungekho emthethweni, lisesabela ukuthi lokhu kungabuyisela emuva imzamo yokulwisana lomkhuhlane weCOVID-19.

Izizalwane zeZimbabwe ezihlala kweleBhilithane zamkele ngembono etshiyeneyo isinqumo sikahulumende wakulelozwe sokuthi ezinye izikolo zemfundo yaphezulu zivulwe kulandela ukuyekethiswa kwezinye iziqondiso zikahulumende zokuvalwa kwelizwe emizameni yokuvimba ukumemetheka kweCovid 19 ezeLockdown.

Ku Livetalk namhlanje kuhlelo ‘Diaspora Forum’ sikhangela okwenziwa yizizalwane zeZimbabwe esezihlala emazweni.

Facebook Forum

XS
SM
MD
LG