amalinks wokungena

Breaking News

Inhloko Zendaba, Nhlangula 11, 2021


Inhloko ZeNdaba

*** Uyamemetheka umkhuhlane weCOVID-19 eZimbabwe obulele abantu abane izolo kwathi abangamatshumi ayisithupha lane – 64 bahlolwe batholakala belegciwane leCoronavirus.

*** Kulabanye abantu abathi kabawatholi amajekiseni okuzivikela kumkhuhlane weCOVID-19 kube labanye njalo abathi bangeke bahlatshwe ngenxa yokwethulwa ebulenjini beInternet imibiko eveza ukuba amajekiseni la ayingozi.

*** Odokotela bathi kumele abantu balimuke umkhakha wegciwane leCOVID-19 obulala okwethusayo owaqhamuka kwele India, osumemetheka eZimbabwe.

*** Inhlanhaniso yeGlobal Fund isinike ilizwe leZimbabwe izigidi ezingamatshumi ayisikhombisa lanhlanu zamadola eMelika – US$75 million eyokulwisana lomkhuhlane weCOVID-19 leminye.

***Amagqwetha kaMnu. Musa Kika, obefuna ukuba umahluli omkhulu welizwe uChief Justice Luke Malaba abotshwe kodwa watholakala engelacala, sebephanyeke olunye njalo udaba lwakhe emthethwandaba.

*** Inhlanganiso ezizimeleyo zizama ukukhanga abantu ukuba babhalisele ukuvota kukhetho oluzakwenziwa ngomnyaka ka2023 ngoba kukhanya bebalutshwana abantu ababhalisa kukhomishini yeZimbabwe Electoral Commission.

***UMnu. Douglas Mwonzora, umkhokheli webandla leMDC-T, kubikwa ukuba usemhlanganweni oqoqwe nguMongameli Emmerson Mnangagwa.

*** Kulamantombazana amabili adlala umdlalo we tennis azakuyamela ilizwe le Zimbabwe kumncintiswano we Billie Jean King Cup oqala ngoMvulo elizweni le Lithuania.

*** Kuhlelo Woza Friday kuliviki silomculi wengoma zokholo lweSiKhristu, uMeluleki Sibanda, odume ngegama lokuthi Givemore The Son Of God, ocula ekoBulawayo.

Facebook Forum

XS
SM
MD
LG