Endabeni zethu lamhlanje ……………..
****** Izakhamizi zemzini weGlen View South, eHarare bathi ukubhubha kommeli wabo edale lephalamende uNkosikazi Vimbai Tsvangirai Java, kutshiye isikhala esikhulu esizahlupha ukusivala loba ukuthola umuntu ongenelisa ukuqhubeka ngomsebenzi omkulu akade ewenza.
*****Izizalwane zeZimbabwe zikhalaza ukuba ingwalo zokuhambisa zama passport sezithatha isikhathi eside ukuphuma, kubangelwa yikuswelakala kwephepha lokudinda lezi ngwalo. Kuthi lezo okumele ziphume ngokuphuthuma zesimisiwe ukubhaliswa.
********** Abenhlanganiso emela ababalisi abasebenzela emaphandleni eye Amalgamated Rural Teacher’s Union of Zimbabwe – ARTUZ bathi bazojika amakhuba phansi bekhalala umsebenzi okwesibili nxa uhulumende engasabangezelelanga iholo.
******** Uzulu wase Zimbabwe uhlaba omkhulu umkhosi ngokukhwezwa kwentengo yamafutha ezimotha.
********** KuLiveTalk kuhlelo ‘Diaspora Forum’ namuhla sikhangela udaba lokutholiswa kwezizalwane zeZimbabwe ilungelo lokuba lobuzwe bamazwe amabili iDual Citizenship. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.