amalinks wokungena

Breaking News

Inhloko Zendaba Nhlangula 16, 2020


Inhloko ZeNdaba

Ebantwini abahlolwe iCovid 19, ngokutshona kwelanga langoMvulo, eZimbabwe, kulabane abatholakale belegcikwane leli, okwenze lakhukuphuka inani labahlolwe batholakala belalo laya kwabangamakhulu phose amane-383, abagoqela abangamatshumi amahlanu lane-54 abasinde kulesi sifo.

Lapho iAfrica inanza ilanga labatsha, eleDay of the African Child, leli zwekazi libikwa seliyindawo elabatsha abanengi ukwedlula amazwe wonke womhlaba. Ingcitshi zithi elakusasa le Zimbabwe le Africa yonke lingaphumelela nxa uhulumende engaqakathekisa inhlelo zokubathuthukisa.

UZulu wakoBulawayo upha imibono yakhe ngokuhlukuluzwa kwabantu ngabezomvikela lamhlanje edolobheni leli, ukubulawa kwamafasiteli ezimota mahlayana kanye lokubavimba ukuba bangangeni enzikini yedolobho.

Izakhamizi zeGwanda ziveza imbono etshiyeneyo ngodaba lokuguqulwa kwesisekelo sombuso welizwe, olweConstitutional Amendment Bill 2 lapho kuqhutshwa umhlangano wokudinga imbono kazulu kulelodolobho lamhlanje.

Ku Livetalk namhlanje kuhlelo lwabasakhulayo olwe ‘The Connection’ sikhangela ukunanzwa kwelanga labasakhulayo ele Day of the African Child Kanye lomonakalo osudalwe yiCovid 19.

Facebook Forum

XS
SM
MD
LG