- Kulabantu abedlula abangamakhulu amabili alamatshumi amane lanye, 241, ababanjwe iCovid-19 eZiimbabwe ngoLwesibili kanye lababili ababhubhileyo.
- Bakhathazekile kakhulu abahlali bamalokitshi akoBulawayo abikwa etshisa ngomkhuhlane weCovid-19 agoqela iNkulumane, iEmakhandeni kanye lamanye angenyakatho kwedolobho afana labo Nothernd.
- Amalunga emuli yosakhulayo obikwa wabhubha ngemva kokutshaywa ngumsekeli kamkhokheli webandla leMDC-T uMnu Elias Muduri ahambe ayatshiya isidumbu sakhe emzini kaMudzuri ezaka ngoLwesithathu.
- UMongameli weleSouth Africa uMnu Cyril Ramaphosa useqinise iziqondiso zokwenqabela umkhuhlane weCoronavirus ngokufaka ilizwe lakhe kuzinga lesithathu lokuvalwa kwalo, iLockdown Level 3, yona eqale ngoLwesithathu.
- EleBotswana likhonona ngenani eliphezu labokuza abasemajele akulelozwe abagoqela abeZimbabwe abayibo abahamba phambili ngenani eliphezulu.
- Amalunga enhlanganiso yentathelizindaba zemidlalo eyeSport Journalists Association emhlubulweni wangezansi kwelizwe, iSouthern Region, aphezu kwemizamo yokuphathisa umqeqetshi womdlalo wenqindi uPhilip “Striker” Ndlovu, yena ophethwe ngumkhuhlane wemvukuzane.
- Lingalalela izindaba zethu emsakazweni weStudio 7 malanga wonke kumagagasi athi 909 am, 6175, 7255 Short Wave.