amalinks wokungena

Breaking News

Inhloko zeNdaba Nhlangula 17, 2019


Inhloko ZeNdaba

Endabeni zethu lamhlanje ……………..

****** Amapholisa abikwa enyakazela phakathi kwedolobho le Harare, ingcwethi kwezombusazwe lezakhamizi abakuthi yindlela kahulumende yokuzilungiselela ngemva kombiko wabasakhulayo abethusela ukuba balungiselela ukutshengisela bekhonona ngesimo somnotho elizweni.

*****Umkamangongameli welizwe, uNkosikazi Auxhilia Mnangagwa wethekelele umfelokazi kamuyi uNkosikazi Dabengwa esiyamkhalela njalo unikeze izipho zokudla abantu abadala koBulawayo

********** UDokotela Solwayo Ngwenya wesibhedlela seMpilo Central Hospital koBulawayo wethule umbiko wokumema abazali ukuzobhalisela ukuhlolwa lokuhlinzwa kwabantwana labadala abazalwa belezitho zensitha ezingacaciyo ukuthi ngowesilisa kumbe ngowesifazana.

******** Kwezemidlalo……….. Iqembu lomdlalo wenguqu ele FC Platinum yilo eselihlezi phezu kwengalane yemiklomelo kusigaba Castle Lager Premier Soccer League ngemva kwemidlalo yangempelaviki eyedluleyo kodwa loba kunjalo umqeqetshi walo uNorman Mapeza uthi kumele lidinge abadlali abatsha abazaliphathisa ukuba livikele isicoco se PSL.

********** KuLiveTalk namhlanje sikhangela ubunzima obubhekane labantu e Zimbabwe phakati kwesimo sokonokala komnotho welizwe intengo yesinkwa ibikwa ikhwezwe namhlanje. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG