amalinks wokungena

Breaking News

Inhloko Zendaba Nhlangula 17, 2020


Inhloko ZeNdaba

Inani labahlolwe batholakala beleCovid 19 eZimbabwe ngoLwesibili lengezwe ngabantu abane laya kwabangamakhulu phose amane-391, abagoqela abangamatshumi amahlanu lane-54 abasinde kulesi sifo.

Izakhamizi zeGwanda ziveza imbono etshiyeneyo ngodaba lokuguqulwa kwesisekelo sombuso welizwe, olweConstitutional Amendment Bill 2 lapho kuqhutshwa umhlangano wokudinga imbono kazulu kulelodolobho lamhlanje.

Abesifazana abadabuka eZimbabwe abaseSouth Africa bathi sebephilela evalweni ngemva kokuqonga kwezehlakalo zokubulawa kwabesifazane kulelozwe selokhu kuvulelwe abantu abanengi ukuphuma ezindlini kusukela ekuqaleni kwayonale inyanga.

Abenhlanganiso zabeZimbabwe abaseSouth Africa bathi kuzwisa usizi ukuthi kulabedlula inkulungwane ezine asebebuyele ekhaya ngenxa yobunzima bempilo obubangelwe yicoronavirus.

Ku Livetalk namhlanje kuhlelo ‘Diaspora Forum’ sikhangela okwenziwa yizizalwane zeZmbabwe esezihlala emazweni ukuncedisa abasekhaya ngomonakalo osudalwe yiCovid 19.

Facebook Forum

XS
SM
MD
LG