Endabeni zethu lamhlanje ……………..
****** Abenhlanganiso yababalisi abasebenzela emaphandleni eye Amalgamated Rural Teachers Union of Zimbabwe (ARTUZ) bathi bajabuliswe lilanga lakuqala lesigaba sesibili sokukhalala umsebenzi. Isilinganiso sokungamatshumi amane ekhulwini-40% sababalisi sibikwa singahambanga emsebenzini ilizwe lonke jikelele.
********** Inhloko kahulumende yesabelo saKwaZulu Natal kweleSouth Africa, umnumnzana Sihle Zikhalala, usefunge wagomela ethi uzaluqeda duu, uhlupho lokuhlaselwa kwabatshayeli bamaroli ababuya phandle kwelizwe lokutshiswa kwamaroli abo kulesi sabelo. Inengi labatshayeli beZimbabwe bathwele amagabha avuzayo ngaloluhlupho.
******** Ngesikhathi kunanzwa ilanga leziphepheli eleWorld Refugee Day yonale iviki mhlaka 20 Nhlangula, umsakazo wakho weStudio 7 usungula inhlello ezicubungula impilo yabeZimbabwe abasekuphepheleni kwamanye amazwe. Namhlanje siqala ngabe Zimbabwe abahlala enkambeni yeziphepheli eyeDukwi kweleBotswana, abakhala ngokuthi impilo njengesiphepheli kayikwabitheki ngitsho lakancane, bengazi ukuthi ikusasa ibaphatheleni.
********** KuLiveTalk namhlanje kuhlelo lwabasakhulayo olwe “The Connection” uMike Hove uphatha udaba lokunanzwa kwelanga lokuqakathekiswa kokulondolozwa kwelungelo lomntwana wezwekazi leAfrica ele Day of the African Child. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.