Endabeni zethu lamhlanje ……………..
********** Umgcinisihlalo wekhomishini ebona ngezokhetho eye ZEC uNkosikazi Priscillar Chigumba usungule imihlangano lentathelizindaba athembise ukuyenza ngoMvulo maviki wonke echasisela abezindaba ngokuqhubeka kwamalungiselelo okhetho luze luqhutshwe mhlaka 30 Ntulikazi.
********** Amabandla ezombusazwe akhuthaza abezindaba ukuthi bethule indaba eziliqiniso njalo bedinga ukukhuluma lamacele wonke hatshi ukweyamela cele linye.
*********** Usomabhizimusi oyisizalwane seZimbabwe osehlala kweleSouth Africa uMnu. Justice Maphosa ukhuthaza abasakhulayo ukuthi batshiyane lomkhuba wokuphongukhala sikhathi sonke ngenhlupho ezibhekane lelizwe kodwa bengenzi lutho ukuzithuthukisa.
********** Kwezemidlalo……. Sikhangela imidlalo yenguqu yalonyaka yomncintiswano wenkezo yamazwe womhlaba eye FIFA World Cup 2018 lapho amaqembu wonke awezwekazi leAfrica iMoroco, Egypt leNigeria aqale kubi lumncintiswano ngokudliwa emidlalweni yawo yakuqala.
********** KuLiveTalk lamuhla sikhangela udaba logwalo lwabalelungelo lokuvota olweVoters Roll lapho abamabandla aphikisayo besithi kabakalutholi ikantike abemazweni anjenge Bhilithani besithi sebelutholile belunikwe ngabe ZEC. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yebulenjini yokukhulumisana lokuzilibazisa ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama lakuhalf past 6 ekuseni kusasa, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
