Inani lasebetholakale belegcikwane leCovid 19, eZimbabwe, seliqanse laya kwabangamakhulu edlula amabili-203. Leli nani likhuphulwe ngabanye balabo abavele emazweni angomakhelwane, kweleBotswana laseSouth Africa abagcinwe endaweni ezitshiyeneyo zelizwe kuquarantine.
Abantu asebetholakele belegcikwane leCovid-19 edolobheni lakoBulawayo lokhu beqhubekela phambili besiba banengi ikakhulu ensukwini ezedluleyo. Abogatsha lwezempilakahle bathi lelinani lengezwa ngabavela emazweni angomakhelwane.
Abenhlanganiso ezehlukeneyo sezithe zapha uncedo lwemphahla eqakathekileyo kukhansili yedolobho lakoBulawayo yokumelana lomkhuhlane weCovid 19.
Abenhlanganiso yamagqwetha eye Law Society of Zimbabwe basola kakhulu ukubotshwa lokuvalelwa kwelunga layo uAdvocate Thabani Mpofu, oligqwetha elilodumo besithi le yindlela kahulumende yokufuna ukumethusela nje kungela cala alidalileyo.
Intengo yemphahla ikakhulu eyokudlwa ibikwa iqhubekela phambili iqansa ngalesi sikhathi eleZimbabwe liphansi kweCovid 19, Lockdown
Ku Livetalk namhlanje kuhlelo lwabasakhulayo olwe “The Connection” siqhubekela phambili sikhangela umonakalo osudalwe yikuqhamuka kweCoronavirus.