Sebesedlula inkulungwane ezingamakhulu ayisikhombisa- 703,065, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezedlula amakhulu amane-435,668, asebehlatshwe ijekiseni yesibili.
Owayengu mfundisi olodumo eZimbabwe, ekubandla lokholo lwesiKristu ele Roma, uFather Emmanuel Ribeiro, obhubhe ngoLwesine lweviki edluleyo, ubekiwe emathuneni abekwa amaqhawe esizwe, eye National Heroes Acre, eseHarare namhlanje.
Ababalisi sebekhuthaze uhulumende ukuthi engavuli izikolo ngeviki ezayo njengalokho okuhleliweyo ukwenzela ukwenqabela ukumemetheka kwegcikwane leCoronavirus.
Owayengumdlali weqembu elimela ilizwe emdlalweni kakhilikithi uKyle Jarvis uthi ukulimala lokugula kumenze wacabanga ngekusasa lakhe lemuli yakhe yikho esethethe umhlalaphansi.
Ku Livetalk namhlanje sikhangela ukuqhubeka kohlelo lokuhlatshwa kwabantu ijekiseni eyeCovid 19 Vaccine, eZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.