amalinks wokungena

Breaking News

Inhloko ZeNdaba Nhlangula 22, 2021


Sebesedlula inkulungwane ezingamakhulu ayisikhombisa- 704,001, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezedlula amakhulu amane-436,851, asebehlatshwe ijekiseni yesibili.

lnengi labazali lithi lokhe lingakaze libhalise abantwana ukuthi bahlale imihloliso yokuphela komnyaka. Lokhu kugcizelelwe zinhlanganiso zababalisi abathi inani lasebebhalisile liphansi kakhulu ukuthi babhale imihloliso yokuphela komnyaka.

Ibandla leZANU PF lithi selilungiselela ukhetho lokudinga amakhansila eChinhoyi lanxa iZEC ingakamemezeli ngokusemthethweni ukuthi uhlelo lolu lungasungulwa.

Abamabhizimusi amancane bathi ukuvalwa kwelizwe phansi kweziqondiso zokwenqabela igcikwane le coronavirus kuzabangela ukuthi amabhizimusi abo atshabalale.

Ku Livetalk namhlanje kuhlelo “The Connection” sixoxa labasakhulayo ngokuqhubeka kohlelo lokuhlatshwa kwabantu ijekiseni eyeCovid 19 Vaccine, eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG