amalinks wokungena

Breaking News

Inhloko ZeNdaba Nhlangula 23, 2021


Idolobho lakoBulawayo selileziqinti ezifakwe ngaphansi kweLockdown ngenxa yokuqansa kwenani labantu abatholakala belomkhuhlane we Covid-19. Iziqinti lezi ngezigoqela imizi ethi iNkulumane, Emakhandeni laleyo ehlala abalutshwana engeNyakatho yedolobho.

Sebesedlula inkulungwane ezingamakhulu ayisikhombisa- 706,158, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezedlula amakhulu amane-440,220, asebehlatshwe ijekiseni yesibili.

Umkhuhlane weCovid-19 uqhubeka umemetheka kweleBotswana, inani labantu ababulewe ngumkhuhlane lo, lidlule inkulungwane kuyonale iviki. Lokhu sekutshiye inengi, kugoqela inhlanganiso ezimele amatitshala, ukuthi zihlabe umkhosi ukuthi kutshetshiswe uhlelo lokuhlaba ijekiseni yeCOVID-19.

Isisidla amahabulo iCovid-19 kweleSouth Africa okuyinto esikhathaze kakhulu izizalwane zeZimbabwe ezisebenza kulelo lizwe.

Ku Livetalk namhlanje kuhlelo “Diaspora Forum” ngokwenziwa yizizalwane zeZimbabwe eseihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG