amalinks wokungena

Breaking News

Inhloko zeNdaba Nhlangula 24, 2019


Inhloko ZeNdaba

Endabeni zethu lamhlanje ……………..

****** Uhulumende wethule umthetho namhlanje othi abantu kabasavunyelwa ukusebenzisa imali yakwamanye amazwe elizweni ngaphandle kweRTGS Dollar.

********** Sokuqhamuke ukungezwani edabeni lokukhalala umsebenzi kwezisebenzi zikahulumende ngemva kokuba abongi bethe basake baphe uhulumende isikhathi sokulungisisa inkinga zabo andubana bakhalale umsebenzi.

************ Ikhansili yakoBulawayo isithole usizo lwemali yokuhlawulela indleko zabomama abazithweleyo baze bakhululeke ngemva kokuhlawula idola phansi kohlelo lweResults Based Funding.

******** Kwezemidlalo……. Awaqalanga kuhle amaqembu amela umhlubulo wangezansi yezwekazi lase Africa kumncintiswano we Afcon njengoba amaqembu athi ele Zimbabwe kanye lele Namibia enqotshwe kumidlalo yawo yakuqala. I South Africa ingqikilana leIvory Coast.

********** KuLiveTalk namhlanje sikhangela umthetho kahulumende othi abantu kabasavunyelwa ukusebenzisa imali yakwamanye amazwe ngaphandle kwedola lamaRTGS. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG