amalinks wokungena

Breaking News

Inhloko ZeNdaba Nhlangula 25, 2021


Ugatsha lwezempilakahle lwethule imibiko ethi abantu abalitshumi lasikhombisa-17, babulewe yiCovid-19 kuthi abedlula amakhulu ayisifica minwe mibili-826 bafunyenwe beleligcikwane leli. Lokhu kubikwa sokudale ukuba uBulawayo abephansi kweziqondiso eziqinisiweyo ezeLockdown okulakho njalo ukuphazamisa amabhizimusi amancane abesethembisa ukuvuka kulandela ukuma ukusebenza ngeCovid 19 Lockdown edlule.

Sebesedlula inkulungwane ezingamakhulu ayisikhombisa- 725,582, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezedlula amakhulu amane lengxenye-467,733, asebehlatshwe ijekiseni yesibili.

Uzulu koBulawayo uqhubeka ngempilo njengensukwini kungakhathalekile lemigoqo emitsha yokwenqabela igciwane le coronavirus.

UMnu. Patrick Chinamasa, obambe okwesikhatshana isikhundla sokhangelane lenhlelo zokukhanga abantu ukuba bangene kubandla leZanu PF, uthi uhulumende kasoze avumele ukuba abahlala emazweni bevote kukhetho lweZimbabwe bephandle kwelizwe. Lokhu sekucaphule abanengi abahlala kwamanye amazwe abafisa ukuvota kukhetho lwelizwe.

Kuliviki kuhlelo Woza Friday silomculi womdumo kaMaskandi, uAntony Tshuma, owazakala ngegama lokuthi ngu Mlandi We Tshitshi. Yenake udabuka eNkayi esigabeni seMatebeleland North kodwa kulezinsuku usebenzela ekwele South Africa.

Abomdlalo wenguqu balahlekelwe ngelinye iqhawe kulumdlalo, uMisheck Chidzambwa owadlalela iqembu leDynamos wazoba ngumqeqeshi weqembu elimela isizwe elamaWarriors.

Ku Livetalk namhlanje kuhlelo sikhangela ukuqansa kwenani lasebebulawa yiCovid 19 kanye labafunyanwa belegcikwane leli eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG