amalinks wokungena

Breaking News

Inhloko Zendaba Nhlangula 25, 2018


Inhloko ZeNdaba

Endabeni zethu lamhlanje ……………..

********** Kubikwa sokufe abantu ababili ngamanxeba abawathole engozini yokudubuka okwenzakale emhlanganweni wokudinga usekelo weZanu PF owenzelwe enkundleni yeWhite City Stadium koBulawayo nguMongameli Emmerson Mnangagwa.

Inhlanganiso zabezindaba zikhuthaza uhulumende ukuthi abone ukuthi intathelizindaba ziyavikelwa lapho zisemsebenzini kulandela ukulimala kwentathelizindaba zeZBC ngempelasonto ekudubukeni okwenzakale koBulawayo.

********** Umgcinisihlalo wekhomishini ebona ngezokhetho eye Zimbabwe electoral Commssion-ZEC, uNkosikazi Priscilla Chigumba ubambe umhlangano wakhe lentathelizindaba wangoMvulo maviki wonke ngokuphathelane lokhetho esithi ugwalo lwabalelungelo lokuvota ele Voters Roll elikhona limqotho.

********** Ukwabelwa kwabantu inkomo phansi kohlelo lwe Command Livestock nguMongameli Emmerson Mnangagwa eGwanda ngeviki edluleyo kusolwa ngabanengi ngoba kuncede abangamalunga eZanu PF kuphela.

*********** Lamhlanje sisungula inhlelo lapho esikhangela ngembali yalabo abancintisa esikhundleni sokudinga umongameli welizwe. Siqala ngokukhangela imbali kaMongameli Emmerson Mnangagwa. Elandelwa ngumkhokheli womanyano weMDC Alliance kusasa.

************* Kwezemidlalo….Emncintisweni wenguqu wenkezo yamazwe womhlaba odlalelwa kwele Russia, eye 2018 Fifa World Cup namhlanje kudlalwa imidlalo yokucina yamagroup ele Russia lidlala lele Uruguay ku Group A. Emaqenjini aweAfrica kudlala ele Egypt kuGroup A lele Morroco kuGroup B.

********** KuLiveTalk lamuhla sikhangela okwenzakala emihlanganweni yamabandla ezobusazwe laph edinga usekelo lokvotelwa kukhetho lwenyanga ezayo lokudinga inkokheli yeZimbabwe. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yebulenjini yokukhulumisana lokuzilibazisa ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama lakuhalf past 6 ekuseni kusasa, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Inhloko ZesiNdebele, Nhlangula 25, 2018
please wait

No media source currently available

0:00 0:02:47 0:00

Facebook Forum

XS
SM
MD
LG