amalinks wokungena

Breaking News

Inhloko zeNdaba Nhlangula 26,2019


Inhloko ZeNdaba

Endabeni zethu lamhlanje ……………..

****** Uhulumende uthi abathola imali zabo ezivela phandle kwelizwe, kuma Nostro Accounts, bazaqhubeka bezithola zikuhlobo lona lolo eyangena ngayo kuleyo account, umnini wayo abeseyiguqulela kudola le Zimbabwe esebenzisa indlela ze Inter-banking lapho esefuna ukuyisebenzisa elizweni njengalokho okwenziwa kwamanye amazwe.

********** Uzulu ukhala ngobuqili obenziwa ngamanye amabhanga ngoba engasaphi imali ingamadola akweleMelika loba yiphi imali yakwamanye amazwe, besithi iRBZ ibaphe isiqondiso sokuthi bengaqhubekeli phambili besipha abantu limali, kodwa beRBZ bayakulandula lokhu.

************ I Zimbabwe ithi sekulomahluko kudaba lokuhlawulela izikwelede zelizwe ezigoqela ezenkampani yamandla kagetsi eye ZESA kanye lezakwamanye amazwe lapho ethenga khona lawo mandla uzulu ekhuthazwa ukuba alandele isibonelo lesi esihle ahlawulele ezakhe.

******** Abatsha abaphatheka kwezemidlalo yokulingisa lokuhlabela eyeTheatre emhlubulweni wangezansi yezwekazi le Africa oweSADC babuthana eHarare beyabelana amacebo ngendlela engabaphathisa ekuvuselelwei lokuthuthukiswa kwemisebenzi le.

********** KuLiveTalk namhlanje kuhlelo olwe ‘Diaspora Forum’ sikhangela ukuthi kuziphathana njani izizalwane ze Zimbabwe esezihlala emazweni umthetho owalisa ukusetshenziswa kwemali yakwamanye amazwe. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG