amalinks wokungena

Breaking News

Endabeni zethu lamhlanje ……………..

********** Abebandla ele MDC – T baba leskhumbuso sababulawa ngesikhathi sokuhlukuluzwa okwabangelwa ludlakela olwaqamuka ngaphambilini langemuva kokhetho lukamongameli ngomnyaka ka 2008 lapho umkhokheli wabo uMnu. Morgan Tsvangirai wanqoba owayengumongameli Robert Mugabe kodwa kwathiwa kanqobanga ngesilinganiso esisemthethweni ukuthi athtahe intambo zombuso ngakhoke lwaseupindwa ukhetho kwaba le presidential run off.

********** Ikomidi ebona ngobudlelwano beMelika lamanye amazwe womhlaba eyedale leSenate yamukele inguquko emthethweni wezijeziso zenotho oweZimbabwe Democracy and Economic Recovery Act oka 2001, elako ukukhipha lezo zijeziso nxa uhulumende weZimbabwe angaqhuba ukhetho olukhululekileyo.

******** Lamhlanje inhlanganiso yeSRC elwela amalungelo emacansini ibambene lamapholisa uZRP Homicide Section baqhube umhlangano labantu abaphila ngokuthengisa ucansi bebakhuthaza ngokuziphatha kahle ngesikhathi ilizwe lilungiselela ukhetho langelanga lokhetho ezweni.

*********** Kuhlelo lapho esikhangela ngembali yalabo abancintisa esikhundleni sokudinga umongameli welizwe namhlanje sikhangela imbali kaMnu. Nelson Chamisa umkhokheli weMDC-T ozancintisa emmele umanyano oweMDC Alliance.

************* Kwezemidlalo….Abalandeli bomdlalo wenguqu bakhala ngokuthi amaqembu amele izwekazi lase Africa kumncintiswano womdlalo owezizwe zomhlaba ayaqilibezelwa ngabo nompembe.

********** KuLiveTalk lamuhla kuhlelo lwezizalwane zeZimbabwe eseihlala emazweni olwe “Diaspora Forum” sikhangela okwenzakala kwezombusazwe eZimbabwe kulungiselelwa ukhetho luka mhla ka 30 Ntulikazi. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yebulenjini yokukhulumisana lokuzilibazisa ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni kusasa, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Inhloko zendaba, Nhlangula 27, 2018
please wait

No media source currently available

0:00 0:02:43 0:00

Facebook Forum

XS
SM
MD
LG