amalinks wokungena

Breaking News

Inhloko ZeNdaba Nhlangula 28, 2021


Kulandela umbiko wokuthi idolobho lako Bulawayo alifekelwanga migoqo ye lockdown uzulu walelidolobho ubikwa esephila njengensukwini kungakhathalekile lokuthi inani lababanjwa icoronavirus liya liqansa.

Sebesedlula inkulungwane ezingamakhulu ayisikhombisa lengxenye- 756,291, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezedlula amakhulu amahlanu-518,968, asebehlatshwe ijekiseni yesibili.

Abadabuka eZimbabwe abahlala kwele South Africa bathi ukuqiniswa kweziqondiso zohlelo lokuvikela uzulu kumkhuhlane weCOVID-19 kubaphilisa nzima kwele South Africa.

Abafundi abakhangelele ukubhala imihloliso yokuphutshisa izinga leO-level bathi ukusilela kwezithupha kuzabangela ukuthi behluleke ukubhalisela ukubhala limhloliso. Ukubhalisa kukhangelelwe ukumiswa mhlaka 9 Ntulikazi.

Abalandeli bomdlalo wenguqu bapha imibono etshiyeneyo ngeqembu lama Warriors elizakuyaphatheka kumncintiswano walonyaka owenkezo ye COSAFA.Abomdlalo wenguqu balahlekelwe ngelinye iqhawe kulumdlalo, uMisheck Chidzambwa owadlalela iqembu leDynamos wazoba ngumqeqeshi weqembu elimela isizwe elamaWarriors.

Ku Livetalk namhlanje kuhlelo sikhangela ukuqansa kwenani lasebebulawa yiCovid 19 kanye labafunyanwa belegcikwane leli eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG