amalinks wokungena

Breaking News

Inhloko ZeNdaba Nhlangula 29,2021


Abogatsha lwezempilakahle babika ukuba ngokutshona kwelanga layizolo, iCovid 19 ibisibulele abantu abalitshumi lantathu, abangamakhulu edlula athobaminwemibili-842, batholakala belegcikwane leli.

Sebesedlula inkulungwane ezingamakhulu ayisikhombisa lengxenye- 764,248, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezedlula amakhulu amahlanu-534,906, asebehlatshwe ijekiseni yesibili.

Umthethwandaba we South Africa usugwebe owayengumongameli walelolizwe uMnu. Jacob Zuma ukuthi ahlale entolongweni okwenyanga ezilitshumi lanhlanu ngokweyisa lelidale.

Izizalwane zeEswatini ziqhubeke ngokutshengisela namuhla kulelolizwe zisola ezithi yikwephulwa kwelungelo loluntu yinkosi uKing Mswati 111 ngesikhathi abalwela ilungelo loluntu besithi amapholisa lamasotsha ahlukuluza ababhikitshayo.

Namuhla kuhlandla lethu lezomnotho welizwe sihlaziya ukuqonga kwentengo ezitolo ngesikhathi inhlanganiso ebona ngelungelo loluntu eye Consumer Council isithi imuli eyodwa isifuna imali engamadola azinkukungwane ezingamatshumi amane ngenyanga ukuziphilisa.

Ku Livetalk namhlanje kuhlelo "The Connection" sixoxa labatsha sikhangela ukuqansa kwenani lasebebulawa yiCovid 19 kanye labafunyanwa belegcikwane leli eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG