Ebantwini abahlolwe ngokutshona kwelanga langoMvulo, abayisikhombisa yibo abatholakale belegcikwani leli, osokukhupule inani lasebetholakale beleCovid 19, eZimbabwe kwabangangamakhulu phose ayisithupha-574.
Abenhlanganiso ezimela ababalisi labazali bathi izikolo ezinengi kwele Zimbabwe kazizimiselanga ukuloba imihloliso ka Nhlangula lokuvulwa kwe term yesibili yalonyaka, ngoba kungela mphahla, eyama PPEs eyokuvikela ababalisi labantwana besikolo emkhuhlaneni we Covid 19.
Ugatsha lukahulumende lwezokulima, selusungule uhlelo lwabalimi olubizwa ngokuthi yi-Intwasa Farming Programme olujonge ukumelana lendlala, ukungani kuhle kwezulu kanye lomonakalo odalwa yikuguquka komumo womkhathi.
Ukwala kwamanye amabhizimusi ukwamukela imali yohlobo lwama-bond lokusetshenziswa kwemali yakwamanye amazwe sokwenze impilo yaba lukhuni ngamandla ebantwini abanengi.
Ku Livetalk namhlanje kuhlelo lwabatsha olwe”The Connection” siqhubekela phambili sixoxa ngomkhuhlane weCoronavirus, ikakhulu udaba lwenani lasebebanjwe yilesi sifo eZimbabwe, elilokhe likhuphuka mihla ngemihla Kanye lodaba lokuvhulwa kwezikolo ngalesi sikhathi ilizwe libhekane lodubo lweCOVID-19.