amalinks wokungena

Breaking News

Inhloko ZeNdaba Nhlangula 30, 2021


Sebesedlula inkulungwane ezingamakhulu ayisikhombisa lengxenye- 770,709, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezedlula amakhulu amahlanu-544,888, asebehlatshwe ijekiseni yesibili kubika abogatsha lwezempilakahle.

Ngokutshona kwelanga layizolo, abantu abaphezu kwenkulungwane eyodwa-1,249, abatholakala beleCovid 19 labulalala ablitshumi lambili-12 leli gcikwane.

Imidlalo yenguqu eyenkezo yeChibuku Super Cup iqhubekela phambili namuhla ngemva kokumiswa okwesikhatshana uhulumende esemise ezemidlalo ezama ukunqabela ukumemetheka komkhuhlane we Covid - 19.

Kulezinye ingcwethi kwezombusazwe ezisekela ukugwetshwa kowayengumongameli wakwele South Africa, uMnu. Jacob Zuma, kuzoba lezinye ezithi kuzakuba lempi yomvukela engavalelwe ejele okwenyanga ezilitshumi lanhlanu.

Abadabuka eZimbabwe asebehlala kwele Bhilithani abahamba ekhaya ukuyakwenza okutshiyeneyo sebesehluleka ukubuyela eBhilithani ngenxa yenhlawulo efunwa lilizwe lelo eyokuvalelwa ezindaweni ezitshiyeneyo – zamaquarantine centers umuntu engakangeni emphakathini. Inengi likhala ngokuthi alisenelisi ukuhlawula impondo eziyinkulungwane lamakhulu ayisikhombisa lamatshumi amahlanu-1,750 pounds efunwa yilelozwe emizameni yalo yokumelana leCOVID-19.

Ku Livetalk namhlanje kuhlelo “Diaspora Forum” sikhangela ukuqansa kwenani lasebebulawa yiCovid 19 kanye labafunyanwa belegcikwane leli eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG