*** Abahlali bakoBulawayo bathi lanxa besamukela ukubunjwa komthetho ozakwenza kube lekhomishini ezaphenya amacala okuhlukuluzwa kwabantu elizweni, zinengi iziqondiso zokusebenza kwawo okufanele zibe yingxenye yawo.
*** Umkhokheli webandla leMDC Alliance uMnu. Nelson Chamisa wethekelele iziphathamandla zebandla lakhe ezisanda ukukhululwa entolongweni ezibalisa uMnu. Last Maengahama loMnu. Tungamirai Madzokere.
*** Abalwa kumpi yenkululeko bekuviyo leZIPRA sebekhuthaze abanye babo ukuthi bebhalise ngobunengi kuluhlu lwamabizo alabo abalwa kulimpi ngesikhathi besithi bakhulumisana kuhle lohulumende ngengxaki ababhekane lazo.
*** Osomabhizimusi bakoBulawayo bathi sebehlalele evalweni ngenxa yezehlakalo zokubanjwa inkunzi yizigebengu ezihlome ngemibhobho esezibhahile kulelidolobho.
***KuLivetalk, kweziphathelane labatsha, siqhubeka sihlaziya okuphathelane legcikwane leCoronavirus.