amalinks wokungena

Breaking News

Inhloko ZeNdaba Nhlolanja 02, 2021


Ugatsha lwezempilakahle lubika ukuba abahlolwe batholakala beleCovid 19, ngokutshona kwelanga layizolo abalikhulu lamatshumi ayisithupha-160, bengeze inani leli laya kwabazinkulungwane ezingamatshumi edlula amathathu lantathu-33,548, eZimbabwe jikelele.

Uhulumende weZimbabwe uphambule abongi abalitshumi lambili ebasusa esibhedlela seUBH ukuze bayesebenza eThorngrove Hospital, emizameni yokuqeda udubo lokusilela kwabongi esibhedlela sekhansili yakoBulawayo.

Izigidi zezizalwane zeZimbabwe ezihlala kweleSouth Africa kugoqela lezikulelo lizwe ngokungekho emthethweni zamukele ngenjabulo umbiko othi lazo zizahlatshwa ijekiseni lokuvikela iCoronavirus.

UMnu. Douglas Mwonzora webandla leMDC-T namuhla ukhethwe ukukhokhela ikhomithi yedale le Standing Rules and Orders ephalamende njalo lelidale livaliwe okwesikhatshana kulandelwa iziqondiso zokwenqabela i COVID 19.

Ingcwethi kwezenotho zithi ukudakwa kwelizwe phansi kwemizamo yokwenqabela ukumemetheka kwegcikwane le coronavirus kungaba kungesinye sezizatho ezibangela ukuthi isisindo sedola le Zimbabwe singawi ngamandla nxa liqathaniswa ledola leMelika.

Ku Livetalk namhlanje kuhlelo “The Connection” sixoxa labatsha bechasisa ababhekane lakho okuphathelane lokuqonga kwenani lababanjwa beleCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG