amalinks wokungena

Breaking News

Inhloko Zendaba Nhlolanja 02, 2022


Abazali baveza imbono yabo ngamalanga okuvulwa kwezikolo bekhala kakhulu ngendleko ezizafunakala ikakhulu ebantwaneni abaqalayo izifundo Zika form 1.

Kuphetha usuku lwayizolo kulabantu abangamakhulu phose amabili-185, ababafunyenwe beleCOVID-19 kwabhubha abalitshumi lambili(12), kubika abogatsha lwezempilakahle. Babikwa sebeyizigidi ezedlula ezine(4,274,377), asebehlatshwe ijekiseni yakuqala yokuzivikela kuleli gcikwane. Kuthi asebehlabe amabili bayizigidi ezedlula ezintathu(3,303,773). Abazinkulungwane ezedlula ezingamatshumi phose ayisithupha(58,792), bahlatshwa ijekiseni lesithathu.

UMkhokheli welinye lamacele aweMDC-T uNkosazana Thokozani Khupe usexotshiswe edale lephalamende ngumkhokheli welinye icele laleli bandla uMnu. Douglas Mwonzora.

Iyaqhubeka imizamo yokumisa ukubuyiselwa emuva kweziphepheli ezinhlanu ezidabuka eZimbabwe ezalahlekelwa ludaba emthethwanda nyakenye.

Abancintisa kukhetho lwama by-elections oluzaqhutshwa ngoMbimbitho sebekhankasa ngamandla koBulawayo okudingwa amakhansila labazamela indawo ezitshiyeneyo edale lephalamende.

KuLivetalk namuhla kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG